„Скопје fellowship“ програма

Странски издавачки куќи, директори и програмски менаџери на фестивали, литературни агенти и скаути - гости на ПРО-ЗА БАЛКАН. „Скопје fellowship“ програмата е посветенa на странските издавачи, директори и програмски менаџери на фестивали, литературни агенти и скаути. Фестивалот меѓу првите во регионот воспостави програма посветена на овој профил на гости, и продолжува со несмален интензитет. Целта на Фелоушип програмата е важните имиња од познатите фестивали и од светот на издаваштвото да ги запознаеме со нашата книжевна сцена, од што, се надеваме, ќе произлезат нови преводи, гостување на писатели странство, промоција на литературата, вмрежување на писателите и културните работници од сферата на издаваштвото и книжевноста со колегите од Европа и светот...





ДИАНА МАТУЛИЌ

Диана Матулиќ студирала хрватски јазик и литература и компаративна литература на загрепскиот факултет за Хуманистички и општествени науки, кога открива дека нејзината работа од соништата е издаваштвото. Била вработена како уредник асистент на својата последна година од студиите и тоа ѝ го трасирало патот да стане уредник и главен уредник. Од тогаш таа работи за неколку најважни и најзначајни издавачки компании како Профил, Школска књига и Алгоритам. Во најголемата криза за издаваштвото таа решава да формира своја сопствена компанија, фокусирајќи се на другата страна од уредничката работа, презентација на авторите. Во 2016 ја формира литературната агенција Корто и започнува со меѓународно презентирање на хрватските и јужноевропските писатели. Подоцна профилот на агенцијата успешно беше проширен кон презентација на меѓународните автори во регионот на Југоисточна и Централна Европа. Мисијата на агенцијата да ја промовира хрватската литература и литературата од регионот сѐ уште е задачата на којашто Диана е најмногу посветена. Таа сѐ уште уредува книги, издава и чита, сметајќи го целиот процес на создавање книга волшебен.







ГОЈКО БОЖОВИЌ

Гојко Божовиќ (1972) поет, есеист, литературен критичар, уредник и издавач. Книги поезија: „Подземно кино“ (1991), „Душата на ѕверот“ (1993), „Песни за нештата“ (1996), „Архипелаго“ (2002), „Елементи“ (2006), „Околни божества“ (2012), „Карта“ (2017), „Тивкиот ѕвер на пладне“ (избрани песни и хроники, 2019)
Книги есеи: „Поезија низ времето: За српската поезија во втората половина на дваесеттиот век“ (2000), „Местото коешто го сакаме: За современата српска поезија“ (2009), „Литература и денови“ (2018), „Кралство без граници: За српската поезија на дваесеттиот и дваесет и првиот век“ (2019), „Играчки на судбината: Есеи за српската литература: XIX – XXI век“ (2020).
Антологии: „Антологија на поновата српска поезија: Деведесеттите, Дваесеттиот век“ (2005), „Место коешто го сакаме. Антологија за современата српска поезија 1945 – 2006“ (2006, 2011; на англиски), „Светот околу нас. Антологија на современите српски приказни“ (2009).
Есеи коишто ја третираат српската литература од дваесеттиот век и поетските прашања на современата литература.
Книги од избрани песни на Гојко Божовиќ се издадени во Русија, Бугарија, Северна Македонија и Хрватска.
Ги има добиено наградите „Душан Матиќ“, „Бране Цветковиќ“, „Ѓура Јакшиќ“, „Бранко Ќопиќ“, „Европа Џовани меѓународна награда за поезија“ (Италија), „Петар Кочиќ“ и „Грачаница Чартер“ за поезија.
Ја добил наградата од фондот „Борислав Пекиќ“ за есеј.
Три книги песни од Гојко Божовиќ се издадени на македонски јазик („Елементи“, избрани песни, 2010; „Околни божества: песни и хроники“, 2014, и „Мапа“, 2019), како и книгата есеи „Книжевноста и дните“ (2021)
Тој е основач и одговорен уредник на издавачката куќа „Архипелаг“ (Белград 2007) и Белградскиот фестивал на европската литература (Белград 2012).
Потпретседател е на српскиот ПЕН центар.
Живее во Белград, Србија.







АНДРЕЈ ХОЧЕВАР

Андреј Хочевар (1980) е писател и уредник со повеќе од петнаесетгодишно искуство во издаваштвото. Од 2020 тој работи за Гога Паблишинг како литературен агент. Помеѓу 2019 и 2021 бил член на љубљанската канцеларија UNESCO град на литературата. Од 2006 до 2020 работи за ЛУД литература, каде што е член на уредувачката редакција на литературниот магазин Литература, уредник на Пришлеки и уредник на наградуваниот интернет литературен магазин ЛУД Литература.