„Скопје fellowship“ програма
ЕФИ РИЗА-СКИФА
Ефи Риза-Скифа е родена и израсната во Атина, каде што живее со својот сопруг и ќерките. Дипломирала на Филозофскиот факултет при Универзитетот во Атина, на Катедрата за византиски и современи грчки студии.
Нејзината љубов кон книгата и литературата ја навела
во 2004 година, заедно со своите соработници, да ја основа издавачката куќа „Енастрон“, која активно твори во областа
на литературата, прозата и поезијата, есеистиката, филозофијата и науката. Изданијата на „Енастрон“ денес се објавуваат и на други јазици освен грчкиот, додека во својот каталог сè почесто поместува преведени книги во соработка
со издавачки куќи од Велика Британија, Германија, Франција, Италија и други земји — процес чие уредување и координација ги раководи таа со својот тим.
МАНОЛ ПЕЈКОВ
Манол Пејков е сопственик и генерален директор на издавачката куќа „Жанет 45“, печатницата за дигитален печат „2х2“, како и наградуван литературен преведувач и претприемач. Тој е исто така коосновач и косопственик на тонското студио „Пекарната“ во Софија, како и основач на Софиската литературна агенција — единствената агенција во Бугарија што активно се занимава со промоција и продажба
на авторските права на бугарски писатели на странски пазари. Од 2009 година до денес, тој има организирано повеќе од 40 турнеи низ Бугарија со писатели од целиот свет, меѓу кои и Етгар Керет (Израел), Рави Хаге (Либан–Канада), Кадер Абдолах (Иран–Холандија), Венди Гера (Куба), Паринуш Санији (Иран), Реј Клун (Холандија), Хуан Пабло Вилалобос (Мексико–Шпанија), Рана Дасгупта (Индија–Обединето Кралство), Церуја Шалев (Израел), Давид Албахари (Србија–Канада), Миљенко Јерговиќ (Босна и Херцеговина–Хрватска), Фабио Џеда и Енајатолах Акбари (Италија–Авганистан), Карло Петрини (Италија), Леонардо Падура (Куба)...
Изданијата што ги има објавено се добитници на бројни признанија, меѓу кои повеќекратно ја имаат освоено наградата за превод „Крстан Дјанков“ на Фондацијата „Елизабет Костова“, како и наградата „Христо Г. Данов“ за најдобар превод. Современите бугарски наслови во издание на „Жанет 45“ традиционално се во тесен избор или се носители на сите значајни национални литературни награди во Бугарија.
РАЈМОНДА ХИДА
Рајмонда Хида е родена во Елбасан, на 25 април 1991 година.
Дипломирала на катедрата за јазици и литература при универзитетот „Планетари“ во 2007 година.
Ја извршува функцијата директорка за надворешни односи и авторски права во издавачката куќа „Фан Ноли“.
Ја има претставувано издавачката куќа „Фан Ноли“ на саемите за книга во Франкфурт, Париз, Женева, Истанбул, Шарџа, Москва, Пекинг и други.
ГЕРГАНА ПАНЧЕВА
Гергана Панчева е извршна директорка на Софиската литературна агенција од 2022 година. Агенцијата е единствена од ваков вид во Бугарија, со цел промоција и пласман на делата на бугарските автори во странство, правејќи ја бугарската литература достапна за светската публика. Софиската литературна агенција застапува повеќе од 30 бугарски автори и нивни наслови од областа на уметничката проза, публицистиката, поезијата и детската литература. Од своето основање до денес, Агенцијата успеа да обезбеди превод на над 200 наслови на странски јазици, вклучувајќи ги и првите бугарски романи преведени на бразилски португалски, шведски и индиски јазици, како и книги за деца во Албанија, Ерменија, Хрватска, Иран и Турција по повеќедецениски молк.
Панчева беше координаторка и иницијаторка на првото и второто издание на Меѓународната литературна фелоушип програма во Софија (Sofia International Literary Fellowship) во Бугарија, кои се одржаа во 2024 и 2025 година. Од февруари 2026 година, Гергана е првиот и единствен бугарски литературен агент кој со гордост го објави влезот на роман во најтесниот избор за меѓународната награда „Букер“ — „Остајница“ од Рене Карабаш, наслов кој е веќе објавен или е во подготовка на повеќе од 26 јазици.
АРИСТЕА ИЛИОПУЛУ
Аристеа Илиопулу е филолог и дипломец на Катедрата за филологија при Националниот и Каподистриски универзитет во Атина (NKUA), со специјализација по лингвистика. Магистрирала на Хеленскиот отворен универзитет на програмата „Лингвистика и образование“, со истражувачки интерес во областа на мултилингвизмот и улогата на заедницата во училишниот систем. Поседува богато искуство во издавачкиот сектор како дел од екипата на издавачката куќа „Енастрон“ од 2014 година, каде што ја извршува функцијата раководителка на издавачкиот сектор и лекторка.
РЕЏЕП ХИДА
Реџеп Хида е директор на издавачката куќа „Фан Ноли“.
Има работено како преведувач, уредник, професор... Бил раководител на политичкиот сектор во државната политичка издавачка куќа во периодот од септември 1975 година до мај 1991 година. Директор е на издавачката куќа „Фан Ноли“ од мај 1991 година досега. Бил директор на Светска банка за Албанија од јули 1995 година до јуни 2007 година. Издавачката куќа “Фан Ноли” е првата приватна издавачка куќа во Албанија, формирана во мај 1991 година. Таа е еден
од најголемите издавачи во Албанија, со водечка позиција на албанскиот пазар на книги. Досега имаат објавено повеќе од 2.000 наслови.