СКОПЈЕ ФЕЛОУШИП ПРОГРАМА

Фелоушип програма - странски издавачки куќи, директори и програмски менаџери на фестивали, литературни агенти и скаути - гости во Македонија

Од 2014 година, фестивалот ќе го следи трендот на светските литературни фестивали и со воведување на Фелоушип програма која ќе биде посветена на странските издавачи, директори и програмски менаџери на фестивали, литературни агенти и скаути. Вакви и слични фелоушип програми имаат голем дел од фестивалите во Европа.

Од 2014 година, фестивалот ќе го следи трендот на светските литературни фестивали и со воведување на Фелоушип програма која ќе биде посветена на странските издавачи, директори и програмски менаџери на фестивали, литературни агенти и скаути. Вакви и слични фелоушип програми имаат голем дел од фестивалите во Европа.

Целта на Фелоушип програмата е важните имиња од познатите фестивали и од светот на издаваштвото да ги запознаеме со македонската книжевна сцена, од што, се надеваме, ќе произлезат нови преводи, гостување на писатели од Македонија во странство, промоција на литературата од Македонија но и од Балканот, вмрежување на писателите и културните работници од сферата на издаваштвото и книжевноста со колегите од Европа и светот, зголемување на видливоста на литературата од Македонија во странство...

УЧЕСНИЦИ

Ен Луис Фишер

Ен Луис Фишер ја започнува кариерата работејќи во магазини, но по кратко време започнува да работи во најголемиот светски издавач “Пингвин“ каде помогнала да се постави нивниот оддел за авторски права. Во 1983 година ја контактирале група од четири издавачи од Скандинавија и ја поканиле да биде нивни скаут па сега застапува десетина врвни издавачи низ светот. Таа е скаут за: Doubleday and Nan Talese (САД), Random House of Canada (Канада), Laffont (Франција), C. Bertelsmann, Knaus, Blanvalet, DVA, Siedler and C. Bertelsmann Jugenbuch (Германија), Arnoldo Mondadori Editore, Oscar and Mondadori Ragazzi (Италија), Albert Bonniers (Шведска), Otava (Финска), Gyldendal Norsk (Норвешка), Gyldendal (Данска), Penguin Random, Plaza & Janes, Grijalbo, Mondadori, Lumen, Debate and Montena (Шпанија), Nova
Fronteira and Agir (Бразил), Patakis (Грција), Libri Kiado (Унгарија), Yapi Kredi Publishing (Турција).
Ен Луис Фишер, исто така, работи и за филмската компанија “Хејдај” која ги снимаше сите продолженија на Хари Потер, како и годишниот оскаровец “Гравитација”.

Сузан Кертис - Којаковиќ

Сузан Кертис-Којаковиќ е основач на „Istros Books” (http://istrosbooks.com) - независен издавач на литература во превод од Југоисточна Европа, кон крајот на 2010 година. Оттогаш, компанијата има издадено на англиски јазик некои од најдобрите имиња од литературата од тој регион, со тим
од професионални преведувачи. Сузан дипломирала
aнглиски јазик и уметност на Роехамптон универзитетот,
а има и магистерска диплома од областа на образованието. Работела и со бегалци и како професор повеќе години, а повремено преведува од босански, хрватски и српски јазик.

Лаjтес Лусиен

Лajтес Луcиен е роден во 1950 година. Студирал историја, филозофија, германска книжевност. Основач е на Унионс ферлаг (http://www.unionsverlag.com/info/) во 1975година.